По само две кола во новиот шампионат во Серија А, атмосферата во соблекувалната на „старата дама“ е вжештена. Според италијанските медиуми, тренерот Маурицио Сари денеска имал жестока расправија со директорот на тимот, Фабио Паратичи.

Сари најпрво му замери на Паратичи што не успеал да се отараси од играчите на кои тој не смета во новата сезона, како што се Марио манџукиќ, Блез Матуиди, Емре Џан.

Според тренерот тоа веќе придонесе за да се наруши атмосферата во соблекувалната, а врвот на неговата нервоза беше вчера кога Џан откако дозна дека е пријавен за настап во Лигата на шампионите, ги критикуваше сите во кубот.

Иако подоцна Германецот ја смири топката и даде нова изјава, Маурицио Сари збесна и му стави до знаење на Паратичи дека ваквите ситуации ќе се повторуваат и ќе влијаат на тимскиот дух но и на атмосферата во соблекувалната.