Група германски туристи во Сплит нарачале вечера за 11 лица, а кога им ја донеле сметката, сакале да се „испазарат“ за да платат само пола од сумата.

Тие ги уценувале сопствениците дека ќе им остават негативен рејтинг и лоши коментари на „Трип адвајзор“. Нарачувале месо, риба и пијалаци, а вкупната сметка изнесувала 600 евра. Потоа, се обиделе да избегнат плаќање со тоа што „11 негативни рејтинзи и тоа како ќе влијаат врз прометот“, пишуваат хрватските медиуми.

Но, шокот бил уште поголем откако полицијата не направила записник и легитимирала еден од туристите, а сопствениците ги советувале да покренат приватна тужба. На крајот од денот, туристите заминале без да платат.

Персоналот и сопственикот се сигурни дека ова не е единствен случај во кој некој ресторан, локал или сместувачки капацитет „страда“ поради заканите за негативен рејтинг на социјалните мрежи и „Трип адвајзор“.