Најмалку пет американски полицајци се ранети во пукање во насилните протести поради смртта на Афроамериканецот Џорџ Флојд во текот на брутално полициско приведување, објави денеска полицијата и медиумите, неколку часа откако претседателот Трамп рече дека ќе испрати војска ако не запрат нередите.

Трамп во понеделникот ја разбесни јавноста објавувајќи фотографија како пред црква ја стиска Библијата откако полицајците со солзавец и гумени куршуми му го расчистија патот до црквата.

We have the greatest country in the world—and we will keep America safe. pic.twitter.com/lqHaUZ4wxW

— The White House (@WhiteHouse) June 1, 2020

Како што објави Си Ен Ен, активирани се 20.000 припадници на националната града во најмалку 28 сојузни држави и Вашингтон.

Демонстраните го запалија трговскиот центар во Лос Анџелес, ги ограбуваат продавниците во Њујорк и се судрија со полицијата во Сент Луис во Мисури, каде четворица полицајци се хоспитализирани со повреди кои не се опасни по живот.

Нападната полициска станица

Командантот на градската полиција рече дека околу 200 демонстрантите „скокаа горе-долу како лудаци“, ограбуваа и фрлаа пиротехнички средства и камења врз полицијата.

„Моравме да ја штитиме полициската станица, фрлаа пиротехника на полицајците“, им рече тој на новинарите. „Што се случува? Како е можно? Господинот Флојд е убиен на друго место, а тие ги уништуваат градовите во целата земја“.

Еден полицаец е ранет во немирите во Лас Вегас, пренесе АП повикувајќи се на полицијата. Уште еден бил „вклучен во пукање“ во истото подрачје, пренесе агенцијата.

Братот на Џорџ Флојд, Теренс Флојд се обрати со апел до сите мирно да протестираат, истакнувајќи дека неговиот покоен брат не би сакал ова да се случува на улиците.

– Јас не дојдов овде да дивеам. Не дојдов ништо да кренам во воздух. Не правам хаос во мојата заедница. Што правите вие? Ништо не правите. Затоа што ништо од тоа нема да го врати мојот брат – рече Теренс од местото на злосторството, обраќајки се кон толпата луѓе која се насобра околу него на протестите во Минесота.

Трамп го осуди убиството на Џорџ Флојд, 46-годишниот Афроамериканец кој почина откако полицаец белец му го приклешти вратот со колено дури 9 минути во Минеаполис на 25 мај, и вети правда.

Говорејќи за демонстрациите против полициската бруталност кои од минатата недела секојдневно прераснуваат во ноќно насилство, рече дека вистинските демонстранти не може да ги надвладее „бесната толпа“.

My fellow Americans – My first and highest duty as President is to defend our great Country and the American People. I swore an oath to uphold the laws of our Nation — and that is exactly what I will do… pic.twitter.com/pvFxxi9BTR

— Donald J. Trump (@realDonaldTrump) June 2, 2020

„Градоначалниците и гувернерите мораа да воспостават сеопфатна полициска присутност додека не се задуши насилството“, рече Трамп. „Ако градот или државата одбијат да преземат акции нужни за одбрана за животите и имотите на граѓаните, тогаш ќе испратам војска и брзо ќе го решиме проблемот“.

Смртта на Флојд повторно предизвика расна нетрпеливост во политички поделената земја која е силно погодена од пандемијата на коронавирус, со тоа што меѓу Афроамериканците диспропорционално има најголем број случаи.

Синоќа пристигнаа наодите од независната обдукција

Синоќа, пристигнаа резултатите од независната обдукција која ја побара семејството на Џорџ Флојд.

Се одлучија на тоа откако стигна службено известување на округот Хенепин, кое покажа дека нема физички знаци кои би потврдиле дека Флојд починал од гушење или давење.

Резултатите на приватната и независна обдукција покажаа дека Флојд почина поради гушење предизвикано од постојан притисок.

Патологот тврди: Тоа е убиство

Обдукцискиот наод, кој го потпиша патологот Алесиа Вилсон, вели дека доказите на телото се поклопуваат со механичко задушување кое во овој случај е причина за смртта.

Таа смртта на Флојд ја нарече убиство.

Д-р Мајкл Бајден го потврди наодот и додава дека Флојд починал поради гушење предизвикано од притисок на вратот и грбот. Бајден вели дека обдукцијата не покажала никаков постоечки медицински проблем кој би ја предизвикал неговата смрт или би придонел за смртта.

Додаваат и дека Флојд бил мртов на самото место.

Резултатите од обдукцијата пред медиумите ги претстави адвокатот Бен Крамп.

Што покажа државниот обдукциски наод?

Во прелиминатниот наод кој го издаде округот стои дека до смртта дошло од комбинација на различни ефекти.

Пишува дека се работи за тоа дека Флојд бил згрчен, дека можеби имал опијати во крвта и во организмот и дека имал здравствени проблеми, вклучувајќи и болно срце. Се додава дека сето тоа придонело за смрт.

„Џорџ починал зошто не можел да дише. Му требаше воздух“, рече адвокатот Крамп.

Адвокатот повика да се процесуираат и другите полицајци

Адвокатот Крамп повика на апсење на сите полицајци кои имале улога во апсењето и смртта на Џорџ Флојд и повика полицаецот Дерек Шовин, кој го држеше со колено на вратот Џорџ Флојд, да се суди за убиство со намера.

„Учествуваа во нешто за што знаеја дека ќе доведе до смрт“, рече адвокатот.

Полицаецот Шовин го држел коленото врз вратот на Флојд 8 минути и 46 секунди.

„Итната помош беше неговата мртовечка кола“, рече адвокатот.

„Немаш никакви други проблеми кои можеа да придонесат за смртта. Полицијата го има тоа лажно уверување дека ако може за зборувате, може и да дишете. Тоа не е така“, рече доктор Бајден.

Братот на Џорџ Флојд повика на мирни протести: Јас не дојдов овде да дивеам (ВИДЕО)