Хаос во САД: Илјадници семејства во мрак (ВИДЕО)

Поради снежната бура оквалификувана како „циклон бомба” што го зафати американскиот среден запад, десетина илјади домаќинства останаа без електрична енергија.

Според компанијата „Пауреаутејџ” без струја останале 14.000 домаќинства и деловни згради во Минесота, а ист толкав број и во Јужна Дакота. Уште 8.500 домаќинства се без електрична енергија во Ајова.

Прекинот во електроснабдувањето е поради обилниот снег и мраз на далноводите, како и силниот ветер.

Во делови на Јужна Дакота, каде паднаа 45 сантиметри снег, како и силниот ветер отежнат е воздушниот и копнениот сообраќај,, исто како и во Минесота и во Небраска.

Американската метеоролошка служба предупреди дека снежната бура, пропратена со силен ветер од Колорадо до Минесота претставува ризик по животите на населението.

Во некои делови на Колорадо во вторникот температурата на воздухот беше околу 30 степени Целзиусови, а следниот ден се спушти на минус еден.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот