ХАОС ВО ГИМНАЗИЈА: Ученици се побуниле за оценки, професорот ги шамарал!
До инцидентот во Седмата белградска гимназија дошло по жолчна расправа на учениците од втора година и професорот по физика З.О. заради резултати од писмена, дознава Блиц.
Професорот на часот ги поделил резултатите од писмениот тест, учениците се побуниле заради лошите оценки, сметајќи дека е неправеден неговиот критериум, а најгласна била ученичката Ј.К. Професорот ја опоменал, таа не сакала да се смири, па и удрил шамар. Во нејзина заштита скокнала уште една ученичка, а З.О. и нејзе и удрил шамар!
Потоа настанала општа гужва, ученици скокнале на професорот да ги одбранат другарките, а еден од учениците го удрил професорот.
Врисоците и хаосот ги слушнале останатите наставници и директорот на школото и веднаш влегле во училницата во која се случил инцидентот.
Директорот го одвел наставникот во своја канцеларија, а педагогот останал да ги смири учениците.
Директорот веднаш повикал полиција, а во гимназијата повикана била и Брза помош за да ги прегледа ученичките кои биле шамарани.
Според информациите професорот, кој ошамарил ученички бил одведен од училиштето со полиција, а министерството за образование на Србија известило дека тој поднел барање за прекин на работен однос од лични причини.