Хаос на протестите во Белград, демонстрантите се обидуваат да влезат во Парламентот (ВИДЕО)

epa08539463 Protestors face off with police during the protest against the strict measures to fight the coronavirus in Belgrade, Serbia, 10 July 2020. Thousands have gathered in front of the Serbian Parliament in Belgrade to protest the new measures to stem the spread of the SARS-CoV-2 coronavirus, which causes the COVID-19 disease. EPA-EFE/ANDREJ CUKIC

Вратите на Парламентот цело време биле затворени, а групата демонстранти ги повикувала останатите да им се придружат.

Група демонстранти ја нападнаа вечерва зградата на српскиот Парламент, пробивајќи ја заштитната ограда пред влезот на законодавниот дом и со неа почнале да ја гаѓаат вратата, но полицијата веднаш реагирала и ја отстранила.

Репортерите на Н1 телевизија јавуваат дека група од 200 демонстранти се многу агресивни, напаѓаат и фрлаат камења и пиротехника кон полицијата. Сите се маскирани, имаат фантомки, агресивни се дури и кон новинарите од кои бараат да не ги снимаат. Нема потврда дали тие се навивачи, но има индиции дека навистина се .

Скандирале кон полицијата „Бидете со народот“ и „Србија, Србија!„

Повеќето мирни демонстранти се оддалечија од платото на Плоштадот Никола Пашиќ и тргнаа кон Пионерскиот парк. Полицијата засега не реагира, не фрла ниту солзавец. Репортерите на Н1 јавуваат за неочекувано мал број полицајци кои стојат на влезот во српскиот парламент.

Демонстраните скандираат „Извадете ги шлемовите“, пароли за Косово и навредливи пароли за Вучиќ. Полицијата и натаму ја држи обрамбената формација и го чува влезот во парламентот. Ги гаѓаат постојано со пиротехника и камења.

Претходно демонстраните ги искршија прозорците пред влезот во парламентот. Ги избркале и новинарите и снимателите кои биле близу влезот.

Продолжиле да ги гаѓаат прозорците на Собранието. Успеале да уништат и една безбедносна камера.

Претходно, се случи инцидент, во кој на едно лице му е нанесена повреда со нож, а потоа се уапсени три лица.

Како што објави порталот Нова.рс, приведените се веднаш префрлени со полициско возило во станица.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот