Хан: Северна Македонија може да ги претрка Србија и Црна Гора на патот кон ЕУ!
Еврокомесарот Хан на прашањето која балканска земја прва ќе и се придужи на унијата вели „ Србија и Црна Гора се засега најнапред затоа што со нив ги почнавме преговорите. Но постои голема можност Северна Македонија да ги стигне затоа што е единствената која нема отворен спор со соседите. Тоа нам ни е важно зашто не сакаме да увезуваме конфликти“.
Освен тоа во Северна Македонија постои и политичка стабилност затоа што опозицијата е подготвена за дијалог во Собранието.
„Во споредба со другите замји во регионот таму опозицијата се однесува како права опозиција, конструктивна е и учествува во работата на Собранието како и во политичкиот живот. Исто така и претседателските избори покажаа дека е можно заеднички да се напредува.“
Според Хан тој напредок вродил со плод за што и претстои прием во НАТО наредната година. Тоа е важен чекор според Хан но уште поважна е европската перспектива на земјата, вели тој.
Хан изразил надеж дека ќе ги увери скептичните членки на Унијата да ги отворат пристапните преговори со Скопје што поскоро и дека тоа ќе се случи пред летото и дека поглавјата ќе се отворат до крајот на годината.