Хан: Ова не е момент за слава на ЕУ, одлуката може да го дестабилизира Западен Балкан – Слободен печат
ВестиМакедонија

Хан: Ова не е момент за слава на ЕУ, одлуката може да го дестабилизира Западен Балкан

Еврокомесарот се заблагодари на сите оние кои синоќа се вложиле при донесувањето на важната стратешка одлука за ЕУ и сите кои се бореле за испраќање на сигнал за надеж за жителите на Западен Балкан.

Во серија на објави на Твитер, европскиот комесар Јоханес Хан напиша дека лидерите на Европската Унија не успеале да ги исполнат своите ветувања за Северна Македонија и Албанија.

– Ова е екстремно разочарувачки. ЕУ сега треба да разјасни колкава е нивната сериозност за интегрирање на Западен Балкан во Унијата – стои во еден од серијата на твитовите на Хан.

Еврокомесарот се заблагодари на сите оние кои синоќа се вложиле при донесувањето на важната стратешка одлука за ЕУ и сите кои се бореле за испраќање на сигнал за надеж за жителите на Западен Балкан.

– Како што претходно реков во Луксембург: Ова не е момент за слава на ЕУ. Да се одбие прифаќање на докажан напредок ќе има негативни последици, вкучувајќи го и ризикот за дестабилизација на Западниот Балкан, со силно влијание врз ЕУ – констатира Хан.

Тој додаде дека нивна обврска сега е да застанат со земјите чии граѓани со право „до коска“ се разочарани и ќе продолжат да прават се што е во нивна можност да дадат поддршка. Европската интеграција на Западниот Балкан останува важна стратешка политика и во меѓусебен интерес.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close