Хамилтон најдобар и во Франција
Актуелниот Ф1 шампион Хамилтон на патеката „Пол Рикар“ стартуваше од пол позицијата, доминираше од самиот почеток до крајот за шеста победа во сезоната, а 79. во неговата кариера.
Второто место го освои тимскиот колега од Мерцедес, Валтери Битас, а трет заврши возачот на Ферари, Шарл Леклер.
#F1 – Full results of the @F1 #FrenchGP?? ⬇️ pic.twitter.com/UWlbVwuRWc
— FIA (@fia) June 23, 2019
Членот на Ред Бул, Макс Ферстапен дојде до четвртата позиција, а зад него е Себастијан Фетел на Ферари кој доби и додатен бод за најбрз круг на трката.
„Десетката“ ја комплетираа Сајнц, Рикардо, Раиконен, Хилкенберг и Норис. Наредната трка во шампионатот ќе се вози на 30 јуни за ГН Австрија.
Кај возачите води и натаму Хамилтон со 187 бодови, пред Ботас со 151, трет е Фетел (111), а му се доближи Ферстапен (100).