Петкратниот формула 1 шампион, Луис Хамилтон ќе ја има клучната улога во изборот на вториот возач во Мерцедес за наредната сезона.
Се поизгледно е дека Валтери Ботас ќе си замине од Мерцедес на крајот од сезоната бидејќи не ги исполни очекувањата, а како можни негови наследници се споменуваат возачите од академијата на Мерцедес кои се во Формула 1 шампионатот, Естебан Окон и Ландо Норис.

Шефот на тимот, Тото Волф изјави дека одлуката за кој ќе биде новиот колега на Хамилтон ќе биде донесена до крајот на сезоната, а во неа клучна улога се очекува да одигра и петкратниот шампион.

– Вакви одлуки се носат само за корист на тимот. Луис е долго време со нас и му покажавме листа на кандидати и го прашавме за мислење. Во медиумите најчесто се споменуваат две имиња, Ботас и Естебан Окон, а Хамилтон верува дека и двајцата заслужуваат да бидат дел од Мерцедес. Не сакам уште сега да го одредам датумот за конечната одлука, но можете да ја очекување во наредните неколку недели или месеци – изјави Волф.