Хамилтон ја откри тајната на успехот на Мерцедес – Слободен печат
ОстанатoСпорт

Хамилтон ја откри тајната на успехот на Мерцедес

Луис Хамилтон и Мерцедес се на вистински пат да ги одбрат титулите во двете конкуренции.

Петкратниот шампион во Формула 1 шампионатот, Луис Хамилтон сезонава триумфира на осум трки од досега одржаните 12, и е лидер во генералниот пласман со 250 бодови, дури 62 повеќе од клупскиот колега Валтери Ботас. Според Британецот, тајната на успехот ја гледа во тоа што во Мерцедес никогаш не се задоволни.

– Она што е одлично во овој тим е тоа што мислам дека никогаш нема да бидеме задоволни. Дури и ако понекогаш сме надминати од конкурентите, секогаш доаѓаме со истиот менталитет. Имавме многу успехи, но сите во тимот работат многу напорно и никој не мисли дека е подобар од останатите. Сите си помагаме едни на други доколку паднеме – вели Хамилтон.

Покрај осумте победи на Хамилтон, клупскиот колега Валтери Ботас триумфира на уште две трки, а на конкурентите досега им препуштија само две победи. Во генералниот пласман кај конструкторите Мерцедес е убедливо прв со 438 бодови, дури 150 повеќе од второпласираниот Ферари.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close