Хамес Родригез ќе му биде соиграч на Елмас?
Родригез на крајот од минатата сезона се врати од позајмицата помината во редовите на Баерн Минхен, имаше учинок од 28 натпревари и седум голови.
Иако започна да тренира изминатиот период, шпанските медиуми велат дека тренерот Зинедин Зидан нема да смета на неговите услуги во новата сезона.
Napoli president Aurelio De Laurentiis on transfer targets:
“We are evaluating many names other than James Rodriguez, Lozano and Icardi." (Sky Sport Italia)#Napoli
— Transfer News (@TransferBrief) August 4, 2019
Реал досега ги одбиваше сите понуди на „наполитанците“, а тие имаат желба да го доведат Колумбиецот на позајмица со можност да го откупат на крајот од сезоната 2019/20.
За Родригез е заинтересиран и клуб од француската „Лига 1“, станува збор за тимот на Марсеј. Но, има и опција да „остане“ во Реал, постојат шанси да се врати во составот после повредата на Марко Асенсио.
Наполи и претседателот Аурелио де Лаурентис му дадоа рок на „кралскиот“ клуб до 15 август да одлучи дали ќе го пушти Хамес. Де Лаурентис воедно потврди и дека се следи ситуацијата со Лозано и Икарди.