Халима Адем откри зошто решила да се повлече од модната индустрија: Чувствував голем притисок затоа што бев првиот модел со хиџаб
Манекенката со муслиманско потекло, Халима Адем, која гордо носеше хиџаб на модните писти и на фотосесии, минатата година се повлече од модната индустрија. Неодамна, прозборе за тоа зошто решила да се повлече, пренесува „Тhe Guardian“.
Аден се откажа од својата кариера во ноември 2020 година, повикувајќи се на компромитираните верувања и истакна дека се чувствува како „малцинство во малцинство“.
View this post on Instagram
Халима неодамна рече дека кон крајот на нејзината манекенска кариера чувствувала дека изгубила контрола над нејзиниот идентитет.
„Последните две години имав доверба во тимот на снимањето да го стилизираат мојот хиџаб и тогаш наидов на проблеми“, вели таа, „како да ми ставаа фармерки на главата наместо обична шамија. Начинот на кој го стилизираа, ме оддалечуваше од себе. Мојот хиџаб постојано се намалуваше и стануваше сè помал и помал со секое наредно сликање“.
Во 2016 година, Аден беше првата натпреварувачка со муслиманско потекло која беше целосно покриена на натпреварот за убавина Мис Минесота САД. Таа подоцна потпиша договор со „IMG Models“.
„Кога започнав, помислив: „Ова ќе отвори врати за многу девојки од мојата заедница“, вели Халима. „Никогаш порано не гледав девојки со хиџаб кога прелистував списанија, па да се биде тоа лице за другите девојки беше остварување на сонот. Но, последните две години од мојата кариера имав голем внатрешен конфликт“.
View this post on Instagram
Во нејзиниот договор како модел имало гаранција дека секогаш ќе има посебна соба за пресоблекување. Но, како што одминувало времето, работите се менувале.
„Бев на снимање со друга манекенка со муслиманско потекло и ми дадоа просторија за пресоблекување, а нејзе не. Тоа не ми се допаѓаше воопшто“, вели Халима.
Аден вели дека луѓето во модната индустрија сметаат дека моделите се „лесни за експлоатација“, а модната индустрија, како што вели таа, може да биде многу експлоататорска.
Во 2019 година, Аден влезе во историјата со тоа што стана првиот модел што носел буркини, дизајниран од Томи Хилфигер и беше дел од кампањата за списанието „Sports Illustrated“.
„Беше толку неверојатно искуство кога ќе размислите за историјата на буркини“, вели таа. „Имаме луѓе што го забрануваат тоа на јавните плажи. Дадовме афирмација за буркини да се најде во „Sports Illustrated“. Ние ја протнавме иглата“.
И покрај тоа, таа вели дека целото искуство не било толку позитивно прифатено од широката јавност.
„Се чувствував како да одам по тенка линија“, вели таа. „Би ги вознемирила припадниците на муслиманската заедница. Слушав коментари од типот: „Овој буркини е премногу убав“ и „Зошто би се сликала за ваква публикација?“. Се чувствував како постојано да се обидувам да ги смирам моите муслимански обожаватели, но во исто време и да бидам многу модерна. Бидејќи помладите обожаватели ми порачуваа: „Ние сакаме да те видиме во нов изглед; сакаме да ја видиме твојата шамија [врзана] поинаку“.
Аден вели дека со напуштање на модната индустрија се надева дека инспирирала помлади модели. „Ако направив нешто, тоа е што на моделите им дадов можност да проговорат“, вели таа. „Чувствував голем притисок затоа што бев првиот модел со хиџаб во индустријата и имав чувство на одговорност кон девојчињата што доаѓаа по мене“.