Романката Симона Халеп и Серена Вилијамс останаа во трката за титулата на Вимблдон, откако беа успешни во четвртфиналните дуели.
Халеп во два сета со 7:6,6:1 ја елиминира кинеската тенисерка Шуај Женг и обезбеди пласман во полуфиналето.

Стартот на дуелот, лошо започна за седмата носителка, таа веднаш претрпе брејк и имаше негатива од 1:4 во првите пет гемови. Сепак, брзо успеа да се врати со серија од три гема во низа и потоа го однесе дуелот во тај брејкот.

Таму Халеп без проблеми триумфира со 7:4 за водство од 1:0 во сетови. Во вториот сет, со серија од пет освоени гемови во низа дојде до убедливи 6:1 и пласман во полуфиналето каде ја очекува подобрата од дуелот помеѓу Елина Свитолина и Каролина Мучова.

Серена Вилијамс потешко од очечкувањата, со 2:1 во сетови и тоа 6:4,4:6,6:3, ја победи сонародничката Алисон Рист. Првиот сет во кој имаше дури пет брејка, и припадна на Вилијамс која со третото одземање на сервисот на Риск дојде до 6:4.

Во вториот сет, имаше само еден брејк и него го направи Риск во деветиот гем по што со сигурен сервис дојде до израмнување на 1:1 во сетови. Во одлучувачкиотсет, Серена Вилијамс направи брејк за 5:3 по што без проблеми го доби гемот на свој сервис за конечна победа од 2:1 во сетови и 12. Полуфинале на Вимблдон каде ќе игра со подобрата од дуелот меѓу Џоана Конта и Барбора Стрицова.