Халеп е првата финалистка на „Вимблдон“ (ВИДЕО)

Фото: twitter.com/WilliamHill/

Седмата носителка Симона Халеп на денешната пресметка триумфираше по сетови 6:1 и 6:3 против украинската претставничка и осма носителка на турнирот, Елина Свитолина.

Халеп многу брзо за еден час и 13 минути игра ја оправда фаворитската улога на теренот во Лондон. Таа е првата тенисерка од Романија која успеала да обезбеди финале на „Вимблдон“.

– Ова е едно неверојатно чувство. Еден од најдобрите моменти во мојот живот – се зборовите на Халеп по завршувањето на мечот.

Првиот сет го освои убедливо со 6:1, а вториот иако со повеќе гемови заврши многу побрзо и тоа за половина час.

Во второто полуфинале силите ќе ги одмерат 10 носителка Серена Вилијамс (САД) и Барбора Стрицова од Чешка, моментно на 54 позиција на ВТА ранг листата.

В петок се и полуфиналните дуели во машка конкуренција, мега пресметката Надал-Федерер, а првиот светски рекет Ѓоковиќ на мегдан со Баутиста-Агут.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот