Халанд сака титула во Борусија пред да си замине
Суперталентираниот напаѓач Ерлинг Халанд порача дека планира да остане во Борусија Дормунд до крајот на договорот, потпчно до 2024 година.
Халанд во јануари годинава од Ред Бул премина во Борусија за 20 милиони евра и оттогаш на 18 натпревари постигна 16 гола.
Норвешкото чудо од дете беше еден од најбараните фудбалери на трансфер пазарот во зимскиот преоден рок, за него беа заинтересирани Манчестер јунајтед, Реал Мадрид, ПСЖ, Јувентус, но тој одлучи да замине во Бундеслигата и во дресот на „милионерите“ постигнуваше гол на секои 82 минути.
– Имам повеќегодишен договор со Борусија, до 2024 година. Целта ми е да ја освојам титулата со мојот тим и тој фантастичен успех да го прославиме со нашите навивачи – изјави Халанд.
Борусија Дортмунд последен пат ја освои титулата во Бундеслигата во 2012 година, а оттогаш Баерн Минхен дури осум сезони по ред е шампион. „Милионерите“ оваа сезона ја завршија на второто место со 13 бода помалку од баварците.
– Имаме квалитет да бидеме шампиони. Баерн е константен и тоа е навистина импресивно. Мораме да продолжиме да се развиваме и во наредната сезона сакаме да бидеме подобри од минатата – додава Халанд за „Билд“,
