Хачинсон: Работеа цели 20 години да станат членка на НАТО, и посакуваме добредојде на Северна Македонија

Брифингот на постојаниот претставник на САД во НАТО се оддржа во пресрет на министерскиот состанок на военаната Алијанса што утре се оддржува во Брисел.

Горди сме што ја имаме Северна Македонија како полноправна членка на НАТО. Народот на Северна Македонија покажа голема храброст во прифаќањето на оваа политичка одлука, изјави за МИА постојаниот претставник на САД во НАТО, амбасадорката Кеј Бејли Хачинсон.

– Тие работеа цели 20 години да станат членка на НАТО, и многу сме горди што им посакуваме добредојде, изјави таа денеска на видео брифинг за новинарите.

Додаде дека вратата на НАТО останува отворена за земјите кои сакаат демократија, слобода, слободи медиуми, човекови права и владеење на правото.

– Овие се основните вредности што членките на НАТО ги поседуваат и се заколнаа да ги штитат. Македонија, Северна Македонија, дојде во пресрет со неопходните реформи, и ние сме многу горди што ја нарекуваме сојузник, изјави Хачинсон за МИА.

Брифингот на постојаниот претставник на САД во НАТО се оддржа во пресрет на министерскиот состанок на военаната Алијанса што утре се оддржува во Брисел.

На состанокот на Северноатлантскиот совет во формат на шефови на дипломатии ќе присуствува и македонскиот министер на надворешни работи Никола Димитров.

Ова ќе биде прво учество на Северна Македонија, на едно заседание на Алијансата како полноправна членка на НАТО.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот