Гвардиола: Тој не смеете да го продадете ниту за 500 милиони евра!
Пеп Гвардиола до управата на англискиот шампион им порача дека само еден играч не смее да се продаде за било каква цена.
„Граѓаните“ изминатите години потрошија многу пари со цел да го постигнат сегашното ниво, но истовремено се трудеа од својата академија да ангажираат фудбалери кои би биле иднината на клубот.
Шпанскиот стратег вели дека 19-годишниот Фил Фоден е токму профил на фудбалер кој мора да остане на „Етихад“.
– Фоден е единствениот играч кој не смее да се продаде за било каква цена. Дури и за 500 милиони евра. Фил е иднината на Манчестер сити. Кога ќе си замине Давид Силва, знаеме кој ќе го замени. Фоден ќе биде една од најголемите ѕвезди во англиската Премиер лига – рече Гвардиола.
Англичанецот во овој клуб е уште од 2009 година, а оваа сезона одигра четири натпревари во првенството на Англија, со еден постигнат гол.