Гвардиола со Сити не може подалеку од четвртфиналето во ЛШ!

epa08523890 Manchester City Manager Pep Guardiola during the English Premier League match between Manchester City and Liverpool in Manchester, Britain, 02 July 2020. EPA-EFE/Laurence Griffiths/NMC/Pool EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

Шпанскиот менаџер изненадувачки не успеал да ја помине четвртфината фаза во Лигата на шампионите со Манчестер сити. Пеп Гвардиола седна на клупата на „граѓаните“ во 2016 година и за четири сезони најдобар успех досега му е само пласманот во четвртфиналето.

Во овој дел од натпреварувањето испадна трипати, додека еднаш беше елиминиран во осминафиналето. Во првата сезона во осминафиналниот двомеч загуби од Монако, на првиот дуел Сити триумфираше со 5:3, а Французите на реваншот со 3:1 и благодарение на повеќе постигнати голови на гости се пласираа во следната фаза.

Потоа, во 2018 година во четвртфиналето со вкупен резултат 5:1 клубот од „Етихад“ беше надигран од Ливерпул, а повторно поради поголем број на постигнати голови на гости лани беше елиминиран овојпат од Тотенхем.

Годинава поради ситуацијата со Ковид-19 УЕФА одлучи да се игра само еден натпревар со организирање завршен турнир „Фајнал-ејт“ во Португалија. Сити според многумина ја имаше фаворитската улога во Лисабон, но на крајот загуби од Лион (1:3).

Претходно со Баерн Минхен три години (2014-2016) по ред доаѓаше до полуфиналето, а таму подобри беа шпанските клубови Реал Мадрид, Барселона и Атлетико Мадрид.

Лион не се шегува, го елиминираше и Манчестер сити! (ВИДЕО)

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот