Манчестер сити го победи градскиот ривал со 2:0 и на три кола до крајот на сезоната се врати на првото место на табелата. „Граѓаните“ по 35. кола имаат 89 бодови, еден повеќе од Ливерпул во една од најнеизвесните борби за титулата во последните 10-тина години.

– Игравме под голем притисок, бидејќи Јунајтед се бори за место во ЛШ. Треба да останеме мирни, сè уште не сме шампиони. На моите фудбалери им реков да не гледаат телевизија, да не читаат весници и да не следат што пишува на интернет. Потребно е добро да се одморат и да дадат се од себе на следниот натпревар против Барнли. Се е во наши раце – вели Пеп Гвардиола.