Гвардиола се „откажа“ од титулата, Сити не може против најдобрите! - Слободен печат

Гвардиола се „откажа“ од титулата, Сити не може против најдобрите!

Менаџерот на Манчестер сити вели дека неговата екипа во овој момент не може рамноправно да се натпреварува со најдобрите европски клубови и дека мора да ја прифати реалноста.

„Граѓаните“ на својот „Етихад“ во градското дерби загубија со резултат 1:2 од Манчестер јунајтед и моментно во трката за шампионската титула во Премиер лигата заостануваат дури 14 бодови зад водечкиот Ливерпул.

– Мораме да напредуваме, да ја прифатиме реалноста и да гледаме само напред. Манчестер јунајтед има квалитет да се брани, квалитет да напаѓа на контри, и тоа исто така мора да се прифати. Тоа е ниво со кој се сретнуваме против Ливерпул, Манчестер јунајтед, Барселона, Реал Мадрид, Јувентус. Тие се екипи против кои мораме да играме, но реалноста можеби во овој момент е што не можеме да бидеме рамноправни со нив – рече Гвардиола, а пренесува „Би-Би-Си“ (BBC).

фото:твитер

Сити минатата сезона ја освои „тројната круна“, ја одбрани титулата, но оваа полусезона веќе е поразен на четири натпревари. Во сезоната 2017/2018 беше премиерлигашки шампион со рекордни 100 бодови, а во четвртфиналето на ЛШ загуби од Ливерпул.

Во истата фаза лани во Лигата на шампионите загуби од Тотенхем, но стана првиот англиски тим кој во иста сезона ги освои Премиер лигата, ФА купот и Лига купот.

И покрај променливите играи, Сити се пласираше оваа сезона во ЛШ во нокаут фазата, во пресрет на последниот меч од групната фаза в среда против Динамо Загреб.

– Заостануваме 14 бодови поради грешките кои ги направивме, поради квалитетот на нашите противници и особено поради нештата кои не можеме да ги контролираме. Тоа е реалноста, но мораме да продолжиме. Имаме и други натпреварувања, да се бориме во другите мечеви. Не размислуваме за освојување на ЛШ, не размислувам околу тоа колку бодови ни се потребни или колку останатите треба да загубат. Размислуваме само како да триумфираме на секој дуел – додаде менаџерот на Манчестер сити.

Прочитај повеќе

Баерн го торпедира Шалке и дојде на бод од лидерот Лајпциг (ВИДЕО)

Слободен печат

Норвешка подобра од Словенија во натпреварот за бронзениот медал

Слободен печат

Сагосен го урна рекордот на Лазаров (ВИДЕО)

Слободен печат

Тотенхем замената за Кејн ќе ја бара во Бундес лигата

Слободен печат

Турција бара екстрадиција на поранешен репрезентативец, се соочува со 15 години затвор

Слободен печат

Очајната Барселона поразена на „Местаља“ од Валенсија

Слободен печат

Остави Коментар

three × one =

Прочитај повеќе

Сари: По Јувентус одам во пензија

Слободен печат

Загревање пред дербито: Навивачите на Валенсија и Барселона се испотепаа на улица (ВИДЕО)

Слободен печат

Македонија благодарение на Вардар ќе има учесник во новата ракометна Лига на шампиони

Слободен печат

Џордан откри кој за него е најдобар европски кошаркар во НБА

Слободен печат

Спектакл во Мелбурн: Кирјос си закажа дуел со Надал

Слободен печат

Екс претседател на Германската федерација е одговорен за смрт на стотина луѓе

Слободен печат