Гвардиола: Премиер лигата е поважна, но Лигата на шампионите е послатка

epa09142045 Manager Pep Guardiola of Manchester City reacts during the English FA Cup semi final soccer match between Chelsea FC and Manchester City in London, Britain, 17 April 2021. EPA-EFE/Ian Walton / POOL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

Пеп Гвардиола, менаџерот на Манчестер сити, денеска изјави дека очекува тешки дуели со ПСЖ во полуфиналето од Лигата на шампионите и истакна дека неговите играчи треба да уживаат.

Првата пресметка помеѓу двете екипи ќе се игра в среда во Париз со почеток од 21.00 часот.

– Знаеме дека ќе биде тешко за нас во двата натпревари. Тие ќе имаат шанса. Секој знае каков квалитет има ПСЖ. Но, ова е полуфинале во Лигата на шампионите. Што друго да очекуваме? Мора да уживаме во притисокот и ситуацијата во која се наоѓаме – рече Гвардиола на прес-конференцијата.

Шпанецот го откри планот за контрола на мечот со францускиот претставник:

– Сакаме да ја имаме топката во нашите нозе. Доколку се случи тоа, ќе имаме стабилност. За многумина, ова е првпат да ја играат оваа фаза од натпреварувањето. Затоа треба да бидеме додатно фокусирани. Сите се подготвени и среќни. Благодарни сме за оваа можност. Нормално е за некои клубови. За нас, ова е реткост. Ние не сме елита на ова натпреварување. Но, ние посакуваме да бидеме тоа. Премиер лигата е поважна, но Лигата на шампионите е послатка – додаде Гвардиола.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот