Гвардиола: Попрво ќе одам на Малдивите отколку да работам во Јунајтед и во Реал
Манчестер јунајтед вечерва го пречекува градскиот ривал Сити во рамките на полуфиналето на Лига купот.
Букмејкерите немаат дилема, „граѓаните“ се големи фаворити за победата бидејќи Јунајтед и сезонава игра многу лошо, а дополнителен мотив ќе им претставува тоа што загубија во последниот меѓусебен дуел.
Менаџерот на Манчестер сити, Пеп Гвардиола, дополнително ја подгреа атмосферата пред натпреварот со изјавата дека никогаш нема да прифати да тренира две екипи, Реал Мадрид и вечерашниот противник.
– Штом го тренирам Сити, тогаш сигурно нема да го преземам Јунајтед. Како што никогаш нема да го тренирам Реал Мадрид. Доколку не би имал ниту една друга понуда, попрво би заминал на Малдивите. Можеби не на Малдиви бидејќи таму нема теренот за голф.
Никогаш не би ги водел овие клубови бидејќи не сум таков човек да предводам еден клуб, а потоа да седнам на клупата на најголемиот ривал – изјави Гвардиола.