Гвардиола планира тотална „чистка“ во Манчестер сити
Шпанскиот стратег очекува да „избрка“ најмалку пет играчи од сегашниот состав на „граѓаните“, меѓу нив е и искусниот плејмејкер Давид Силва.
Менаџерот на Манчестер Сити, Пеп Гвардиола планира да направи некои измени во тимот ова лето. Тој се очекува да избрка најмалку пет играчи од сегашниот состав и да ангажира нови играчи во тимот, пренесува англиски „Телеграф”.
Првиот кој е на листата е Николас Отаменди, аргентинскиот интернационалец е крајно неубедлив оваа сезона и клубот веќе бара замена, а името за кое се шпекулира е Пау Торес од Виљареал.
Некој меѓу Бенџамин Менди, Александар Зинченко или Анхелињо, исто така, се очекува да замине. Најверојатно, тоа ќе биде Шпанецот, кој досега забележа само три натпревари во текот на сезоната.
Се очекува и 34-годишниот Давид Силва да се збогува со „граѓаните”. Тој во моментов ја игра својата 10-та сезона за клубот, но се очекува тоа да биде и последна. Лерој Сане скоро сигурно ќе биде продаден во текот на летото, откако се опорави од повредата што ја доби.
Гвардиола размислува и за промена во нападот, по што останува неизвесна иднината на Габриел Жесус.