Со оваа победа „граѓаните“ ја намалија разликата во однос на лидерот на табелата Ливепрул на 11 бодови, но „црвените“ имаат и натпревар помалку од Манчестер сити бидејќи вчера играа во финалето на Светското клупско првенство.

Ливерпул сезонава игра фантастично, во Премиер лигата има само едно реми и од коло во коло е се поблуску до титулата која ја чека дури од 1990 година. Свесен за ова е Пеп Гвардиола кој по дуелот со Лестер откри кога започна падот за неговиот тим.

Станува збор за дуелот од почетокот на сезоната кога Манчестер сити пред своите гледачи играше нерешено (2:2) против Тотенхем.

„Граѓаните“ беа доминантни на тој натпревар, ВАР-технологијата дури им поништи гол во самиот финиш. Оттогаш имаа уште неколку кикса во серија со кои му овозможија на Ливерпул да се одлепи на лидерската позиција на табелата.

– Ни самиот не знам колку шанси имавме на тој натпревар. Не победивме поради поништениот гол и тука за нас почнаа проблемите – изјави Пеп Гвардиола.