Гвардиола: Му се воодушевувам на Реал Мадрид
Менаџерот на Манчестер сити има само пофални зборови за шпанскиот тим во пресрет на нивниот дуел во осминафиналето од Лигата на шампионите.
„Граѓаните“ во среда во гостуваат на Реал Мадрид во првиот дуел од осминафиналето, а менаџерот Пеп Гвардиола е свесен за предизвикот кој го очекува.
– Фудбалерите на Реал Мадрид имаат многу финални натпревари во ЛШ во своите нозе, го освојуваа трофејот многу пати. Во нашиот тим единствено Клаудио Браво триумфира во Лигата на шампионите. Мораме да се бориме, не очекуваат 180 минути беспоштедна борба – вели Гвардиола.
Манчестер сити за противник го има тимот кој дури четири пати триумфира во ЛШ во последните шест години, а „кралскиот“ клуб е рекордер и по бројот на титулите во елитното натпреварување, има вкупно 13.
– Тоа е клубот на кој сакаме да се угледаме, му се воодушевувам на Реал Мадрид. Тие се вистинските кралеви на Лигата на шампионите. Ќе играме на еден од најубавите и најголемите стадиони на светот и ќе дадеме се од себе за да победиме. Доколку не успееме, ќе им честитаме и ќе продолжиме да работиме напорно за да станеме уште подобри – смета менаџерот на Манчестер сити.
