Стратегот на актуелниот англиски шампион, Пеп Гвардиола, веќе се предаде и му ја препушти титулата на Ливерпул. „Црвените“ во 23 кола имаат скор од 22 победи и едно реми за 67 бодови, дури 16 повеќе од Манчестер сити, а згора на тоа имаат и натпревар помалку.

– Нормално, Ливепрул ќе биде шампион во Англија, а би биле шампиони и во Шпанија, Италија и Германија. Нормално дека ќе ја прогласам екипата за шампион која во 23 кола има 22 победи и само едно реми.

Ние со бодовите кои ги имаме сега во Шпанија би заостанувале само еден бод зад лидерот, а исто би било во Германија и во Италија.

Ливерпул е фантастичен, неверојатен, феноменален, Мораме да го прифатиме тоа и да извлечеме поуки од нив – изјави Гвардиола.