Пеп Гвардиола ја одраборува четвртата година како тренер на Манчерстер сити по што започнаа гласините дека идното лето ќе си замине од Англија. Гвардиола досега тренираше две екипи, Барселона и Баерн Минхен и во двата наврати седеше на клупата по четири години, а како образложение за тоа му беше дека по одреден период доаѓа до заситување од работа во еден тим.

Сепак, последните шпекулации дека ќе го напушти Манчестер сити го налутија Пеп.

– Како што кажав и претходно, се чувствувам одлично во овој клуб, но се зависи од резултати. Ајде да видиме што ќе се случи оваа година и идната. Отворен сум за соработка и да останам подолго во овој клуб – изјави Гвардиола.

Неговата одлука дали останува или ќе побара нов предизвик не зависи само од него и резултати, туку и од други фактори.

– Сакам да ја видам реакцијата на своите фудбалери, на околината, на вработените во клубот. Не е работата јас да дојдам и да кажам дека сакам да останам. Сакам да вдам како работиме заедно, да видам дека моите фудбалери уживаат да работат заедно. Кога ќе почувствувам дека не е така, ќе разговарам со луѓето од клубот – вели шпанскиот тренер.