Гвардиолa: Ќе се вратиме посилни, подобри..и малку подебели! (ВИДЕО)
Шпанскиот менаџер на Манчестер сити исто така се приклучи во борбата против коронавирусот и апелира да се остане дома, да се биде безбеден.
Бројни спортисти секојдневно споделуваат охрабрувачки пораки до луѓето ширум светот и апелираат да се остане дома со цел да се спречи ширењето на коронавирусот.
Помеѓу нив е и шпанскиот менаџер на фудбалскиот клуб Манчестер сити, Пеп Гвардиола кој и овие тешки моменти знае да се пошегува.
?| Pep Guardiola:
“We miss football. We miss the life we had a few days ago. But its time we listen to doctors and scientists” #ManCity pic.twitter.com/ESjzFlkEiz
— City Chief (@City_Chief) March 30, 2020
– Ни недостасува фудбалот. Ни недостасува животот кој го имавме пред неколку дена. Но, сега е времето да се слуша. Да се следат нашите научници, доктори и медицински сестри. Вие сте моето фудбалско семејство, ќе направиме сè што е можно да се чувствувате подобро. Од ова ќе се вратиме посилни, подобри, некако, и малку подебели. Остани дома, остани безбеден – се зборовите на Гвардиола.
Неговата екипа Манчестер сити до прекинот на сезоната во Премиер лигата се наоѓаше на второто место далеку зад водечкиот Ливерпул.
Воедно „граѓаните“ минатиот месец беа непријатно изненадени со веста од УЕФА дека се исфрлени од Лигата на шампионите.