Вечерва се игра реваншот од осминафиналето во Лигата на шампионите помеѓу Реал Мадрид и Манчестер сити во кој „кралевите“ ќе ја бранат предноста од 3:2 од првиот натпревар.

Пред овој натпревар внимание привлече изјавата на стратегот на „граѓаните“, Пеп Гвардиола. Шпанскиот стратег пред два дена изјави дека неговиот тим има само еден процент шанси за успех во Мадрид.

Сега на прес-конференцијата Гвардиола зборуваше поинаку и призна дека не го мислел тоа што го кажал.

„Излажав за нашите шанси, тоа беше за првпат да излажам“ , одговорил Пеп.

Со перфектен натпревар Гвардиола верува дека можат да ја надополнат негативата.

„Ако сакаме да славиме мораме да одиграме речиси перфектен натпревар“, изјави Пеп.

„Бернабеу“ за Гвардиола носи многу спомени бидејќи во минатото ја водеше и Барселона.

„Оттаму имам многу спомени, некои се добри, некои не. Но, едно е сигурно, на овој стадион никогаш не е лесно да победите“, истакна шпанскиот стратег.

Натпреварот помеѓу Реал Мадрид и Манчестер сити се игра во стандардниот термин од 21:00 часот.

Вечерва ќе ги дознаеме сите осминафиналисти во Лигата на шампионите