Гвардиола има 100 милиони причини да остане во Сити - Слободен печат
СпортФудбал

Гвардиола има 100 милиони причини да остане во Сити

Освојувачот на тројната круна во Англија, Манчестер сити подготвува неверојатни 100 милиони фунти за нов договор на Пеп Гвардиола.

Манчестер сити сезонава успеа да го направи тоа што со децении на ниту една англиска екипа не и успеало, да триумфира во сите три натпреварувања, Премиер лигата, ФА Купот и Лига Купот. Клучен за успехот на „граѓаните“ е менаџерот Пеп Гвардиола, за кого челниците на клубот подготвуваат понуда која не се одбива.

Според весникот „Сан“, Манчестер сити му нуди нов петгодишен договор на Гвардиола со кој ќе го направи најплатен тренер на денешницата, 100 милиони фунти за пет години.
Шпанецот и со сегашниот договор е меѓу најдоброплатените тренери со 15 милиони фунти годишна плата, но интересот на Јувентус, ги натера богатите газди на „граѓаните“ да го направат најдоброплатен тренер во светот.

– Останувам тука уште две години, доколку ме сакаат. Задоволен сум во Сити. Знам дека мојата работа ќе се оценува според тоа дали ќе ја освоиме Лигата на шампионите или не. Оваа година како и минатата испаднавме во четвртфиналето, ќе се обидеме да оствариме подобар резултат идната година – вели Гвардиола.

Пеп Гвардиола од 2016 година го предводи Манчестер сити и во трите години на клупата, тој освои две титули во Премиер лигата, еден ФА куп, два Лига купови и еден англиски Суперкуп.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close