Фудбалерите на Манчестер сити убедливо славеа против Црвена звезда во првото коло од групната фаза на Лигата на шампионите.

Менаџерот на актуелниот европски шампион, Пеп Гвардиола беше задоволен по триумфот.

– Имавме 22 удари во првото полувреме, што значи дека одигравме многу добро. Сепак, недостатокот на голови по толку удари мора да биде одговорност на напаѓачите. Да постигневме два гола во раната фаза, сето ова ќе беше сосемо поразлично – изјави Гвардиола, а пренесува „Би-Би-Си“.

Шпанскиот стратег запрашан што им кажал на играчите на полувремето, иако Србите водеа со 1:0 на „Етихад“, Гвардиола им кажа на своите играчи да продолжат да играат во ист ритам.

– Не успеавме да постигнеме гол иако создававме шанси, но останавме доследни на нашиот план за игра и на крајот победивме. На паузата им реков: „Момци, не можеме да кажеме дека играме лошо, заборавете го резултатот, продолжете да играте на ист начин, можеме да се вратиме, само бидете повеќе смирени. Го направивме тоа – рече Гвардиола.