Гвардиола го направи првиот чекор, го контактираше Меси
Лионел Меси по понижувачкиот пораз од Баерн Минхен во четвртфиналето од Лигата на шампионите, донел одлука да ја напушти Барселона со што ги алармира заинтересираните екипи.
Бразилскиот новинар Марсело Бехлер кој прв објави дека Нејмар ја напушта Барселона и се сели во ПСЖ пред три години, сега лансира нова сензација. Имено Бехлер тврди дека од извор во каталонскиот клуб го информарил дека Меси ја известил управата на Барселона дека сака да си замине.
Прв кој реагира по одлуката на Меси е неговиот поранешен тренер, Пеп Гвардиола. Според „Дејли Мирор“ Гвардиола кој исто така доживеа големо разочарување со елиминацијата во ЛШ, веќе ја започналк „операцијата“ за да го донесе Аргентинецот во Манчестер сити.
Англискиот весник тврди дека Гвардиола денеска имал телефонски разговор со Меси во обид што побрзо да ги договори финансиските услови и да ја победи конкуренцијата.
Најголем конкурент на Манчестер сити во трката за потписот со Меси е италијанскиот Интер. Неодамна медиумите во Италија објавија дека таткото на Аргентинецот купил куќа во Милано и тоа во непосредна близина на стадионот „Џузепе Меаца“, а исто така тврдат дека кинеските сопственици на „нероаѕурите“ веќе подготвиле понуда тешка 240 милиони евра за четиригодишен договор.