Гвардиола ги „загуби нервите“, не поради играта и резултатот на Сити! (ВИДЕО)
Манчестер сити синоќа во третото коло од Лигата на шампионите ја совлада Аталанта на „Етихад“ стадионот со високи 5:1. „Граѓаните“ стигнаа и до третата победа во елитното натпреварување, иако гостите поведоа во 28. минута преку Малиновски.
Но, играчите на Пеп Гвардиола направија целосен пресврт, Агуеро двапати се запиша во листата на стрелците, а Стерлинг запиша хет-трик.
#ManCity #ucl #pep #guardiola #stones pic.twitter.com/2lmH6MpBmx
— Dutch Judas (@Judas3rd) October 23, 2019
На тој начин премиерлигашот се најде на еден чекор од пласман во нокаут-фазата, а еден момент од вчерашниот меч не го направи среќен менаџерот Гвардиола.
Тој беше задоволен од резултатот, но поради една ситуација во првото полувреме целосно „полуде“ и ги „загуби“ нервите. Во 40. минута (при водство на Сити од 2:1) се повреди Родри и мораше да излезе надвор од теренот, а Џон Стонс требаше да влезе во игра да го замени.
Но, Стонс премногу долго се подготвуваше, тоа го налути шпанскиот стратег кој удираше и се фаќаше за глава, а и другите околу него се чудеа.