Гвардиола: Фудбалот понекогаш е суров – Слободен печат
СпортФудбал

Гвардиола: Фудбалот понекогаш е суров

Тренерот на Манчестер сити е неутешен по елиминацијата од Тотенхем поради ВАР технологијата.

Екипата на Манчестер сити не успеа да се пласира во полуфиналето на ЛШ поради ВАР технологијата. Во победата од 4:3 над Тотенхем, прво во 73. минута беше признаен голот на Љоренте иако топката го удри во раката, но судијата Џунејт Чакир на видеоснимката не го виде тој момент и го призна голот. Потоа во 93. минута му го поништи голот на Рахим Стерлинг поради офсајд.

– Постигнавме гол, а ВАР технологијата го одработи остатокот. Дали тоа беше вистинска одлука?. Зборуваме за сантиметри, дадовме гол, но беше офсајд. Тоа беше сурово.
Во првата спорна ситуација, Љоренте играше со рака при постигнувањето на голот. Можеби судијата не ја погледна снимката од вистинскиот агол, а од друг агол тоа беше играње со рака – изјави Пеп Гвардиола, тренерот на Манчестер сити.

Својот гнев на ВАР технологијата го искажа и фудбалерот на Манчестер сити, Фернандињо, кој пред ТВ камерите кажа „Да ти е*ам ВАР технологијата“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Исто прочитајте

Close
Close