Гувернерката на Токио, Јурико Коике одлучи Олимписките игри да се одржат во 2021 година и покрај зголемувањето на бројот на заразени со вирусот.

Во Јапонија, повеќе од 2.000 луѓе беа заразени секој ден во текот на изминатиот месец, но јапонската Влада работи на усогласување на превентивните мерки со деловните активности, така што економијата да не биде дополнително погодена.

– Како град домаќин, решени сме да ги одржиме Олимписките игри по секоја цена, порача Коике на денешната прес-конференција во Токио.

Сепак, неодамнешното зголемување на бројот на пациенти го доведува во прашање одржувањето на Летните олимписки игри во Токио.

Од почетокот на пандемијата во Јапонија, присуството на коронавирус е потврдено кај околу 134.000 луѓе, а речиси 2.000 починаа.

Од нив, само во јапонскиот главен град досега се регистрирани 38.200 случаи на ковид-19.