Гутереш апелира: Сите луѓе да бидат поврзани на интернет до 2030 година

Антониа Гутереш / Фото: МИА

Генералниот секретар на ОН, Антонио Гутереш апелираше сите луѓе да бидат поврзани на интернет до 2030 година.

– Пандемијата покажа дека интернетот може да го промени животот, истакна Гутереш во обраќањето пред учесниците на дигиталниот самит на ОН што се одржува во полскиот град Катовице.

Тој нагласи дека дигиталната технологија спасила животи, овозможувајќи им на милиони луѓе да работат, учат и безбедно да комуницираат.

Гутереш додаде дека пандемијата го прошири и дигиталниот јаз и ја покажа темната страна на технологијата, поради брзото ширење на дезинформации.

– Овие проблеми можеме да ги решиме само со зајакнување на соработката, изјави Гутереш.

Тој наведе дека зајакнувањето на соработката подразбира воспоставување јасни правила за заштита на човековите права и основни слободи, враќање на контролата врз податоците, сузбивање на дезинформации и поттикнување омраза, како и поврзување на сите луѓе на интернет до 2030 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот