-8 C
Скопје

Ѓуровски: Високото образование треба да бидеме меѓу првите три високи приоритети во јавните политики

Пред магистрантите и докторантите на Факултетот за безбедност-Скопје денеска се обрати проректорот на Универзитетот „Св.Климент Охридски„ проф. д-р Марјан Ѓуровски со што се означи почетокот на новата академска 2020/2021 година на студиите по втор и трет циклус, соопштија од Универзитетот.

Поздравувајќи ги студентите во име на Ректорот на Универзитетот „Св.Климент Охридски„ проф. д-р Сашо Коруновски, од страна на Ѓуровски беше изнесена информацијата дека Универзитетот „Св.Климент Охридски„ подготви посебна стратегија за реализација на наставата во услови на пандемија која преку еден хибриден модел на пристап и во најголемиот дел онлајн работење на прв, втор и трет циклус на студии, со уверување дека ќе одговори Универзитетот успешно во совладувањето на наставните содржини и практики и при тоа го заштити здравјето на студентите, професорите и административниот кадар на високо образовните институции.

Прочитајте и...  Најстудено во Битола, 31 сантиметар снег на Шапка

– Конечно поради пандемијата, уверен сум дека многумина ќе размислат за значењето на високото образование и насушната потребата од некои професии во државата- доктор, информатичар, но и припадник на полицијата, армијата, разузнавачката заедница и др. Меѓу другото, пандемијата покажа дека по медицинските и информатичките науки, науката за безбедност и управување со кризи се иднината на светот, а вие сте направиле вистински чекор, затоа што технологијата го движи светот, но безбедноста го чува светот и државата од нови ризици и закани, а со тоа и човековото живеење и секојдневно битисување, нагласи Ѓуровски.

Според него, високото образование треба да бидеме меѓу првите три високи приоритети во јавните политики, кај ресорното Министерство за образование и наука. Додаде дека културата на конкурентност е слаба точка во нашето општество, и клучниот елемент за нејзино градење во нашата држава е интернационализацијата на поединците и институциите која може да се добие преку Еразмус плус програмата на Универзитетот.

Прочитајте и...  Зголемена е стапката на самоубиства во Јапонија во текот на вториот бран од пандемијата

– Еразмус плус програмата искористете ја веднаш по завршувањето на првата година од вашето студирање. Најпосакуваното сценарио е образовните институции да станат мрежи во општеството, да бидат заедници на наставата, науката, практика, да бидат најпосакуваните место во општеството, најпосакуваните места во локалната средина. За такви институции, се потребни луѓе со поинаков поглед на иднината. Се потребни примери, како што денес се случува тука и од вас треба да произлезат, заклучи Ѓуровски.

На свечениот прв академски час на втор и трет циклус на студии на Факултетот за безбедност-Скопје говореше и Деканот на Факултетот за безбедност-Скопје проф.д-р Никола Дујовски и раководителите на студии. Свеченоста која се реализираше на отворено со целосна примена на протоколите за заштита, заврши со поделба на студентските индекси.

Прочитајте и...  Честитка од претседателот Пендаровски по повод Богојавление – Водици

Поврзани вести

Усвоен планот за распределба на административните службеници во земјава

Слободен печат

Јанша: Вакцинација на 70 отсто од населението во Словенија до почетокот на летото

Слободен печат

Фрчкоски: Би било добро вакцинацијата да започне што побрзо

Слободен печат

РАСТЕ ТЕНЗИЈАТА ВО ВАШИНГТОН: Откриени се десничари во редовите на Националната гарда кои требало да ја обезбедуваат инаугурацијата!

Слободен печат

Да продолжат разговорите со Бугарија, процесот да заврши со старт на преговорите за членство, порачуваат европските дипломати во земјава

МИА Агенција

ДУРИ 10 МИЛИОНИ ДЕЦА ЗАГРОЗЕНИ ОД ГЛАД ВО АВГАНИСТАН: Војна, сиромаштија и пандемија ги оставаат во борба за гол живот!

Слободен печат

Остави Коментар