Плескавицата е основата на еден добар бургер, но овој викенд искористете го времето за малку поинакво уживање. Израдувајте ги домашните со вкусни домашни бургери, но овојпат пат класичната плескавица заменет ја со плескавица од туна и компири.

Состојки:

– 500 г компири
– 160 г конзервирана туна
– ¼ кромид
– 1 јајце
– 4 лажици магдонос
– црвен пипер
– сол
– лебни трошки

Подготовка:

Излупениот и исечкан на коцки компир варете го во врела солена вода 15 минути. Исцедете го и изгмечете го. Во пирето додајте ги ситно сечканиот кромид, црвениот пипер, малку сол, туна, јајце и магдонос, па сè добро измешајте да се соединат состојките. Потоа додајте ги лебните трошки и повторно измешајте. Поделете ја смесата на осум еднакви делови, па секој дел обликувајте го во плескавица. Пржете ги во згреана грил – тава со малку масло од двете страни да поруменат. Послужете ги со прилог и печиво по избор.

Добар апетит!