Гулаб во Австралија ќе настрадал поради лажна ‘лична карта’

Еден гулаб кој во Австралија бил прогласен за опасност по јавното здравје, спасен е од смрт откако Американската организација за птици портврдила дека не долетал од САД, како што првично се тврдело.

Имено лентата за идентификација околу ногата на гулабот покажувала дека птицата најдена во еден двор во Мелбурн на 26 декември минатата година е натпреварувачки гулаб-поштар кој пред два месеца полетал од Американската држава Орегон, оддалечена 13.000 километри.

Врз основа на тоа Австралиските власти минатата недела изјавиле дека птицата е можен преносител на болести и треба да се еутаназира.

Но, по реакција на здружението за заштита на птици „Пиџон рескју“ било докажано дека лентата му припаѓа на друг син гулаб од САД, кој е сосема различен од оној во Австралија, а исчезнал лани во октомври во тек на трката „Крукед ривер челинџ“ од 560 километри во Орегон.

Покрај тоа гулабот со лажен идентитет во Австралија, воопшто не бил натпреварувач во било каков натпревар. Но, како кај него завршила алката за идентификација сè уште не е разјаснето.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот