Ѓукановиќ: Објавата на Абазовиќ дека сум даночен должник е најобична лага и измама

Претседателот на Црна Гора Мило Ѓукановиќ денеска ги негираше обвинувањата од страна на вицепремиерот Дритан Абазовиќ дека и должи на државата 12,4 милиони евра данок и порача дека тоа е „најобична лага и измама”, и „срам за Владата и за Црна Гора”.

„Објавата на Дритан Абазовиќ дека сум даночен должник е најобична лага и измама. Како граѓанин на Црна Гора, Мило Ѓукановиќ, не должам ниту цент за данок или за која било друга основа”, напиша Ѓукановиќ на својот профил на Твитер.

Вицепремиерот Абазовиќ тврди дека претседателот Ѓукановиќ на државата и должи 12,4 милиони евра за данок.

Абазовиќ: Додека зборува за почитување на закони, Ѓукановиќ има даночен долг од 12,4 милиони евра

„Додека зборува за наводно почитување на Уставот и законите, Мило Ѓукановиќ должи 12,4 милиони евра данок на државата“, напиша Абазовиќ на Твитер.

Тој додаде дека „сега е јасно што се крие зад кревањето тензии, приказните за идентитетот и загрозеноста“. 

„Нема повеќе недопирливи”, напиша Абазовиќ.

Абазовиќ ги објави и податоците за блокираните сметки на правни лица од Централна банка на Црна Гора.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот