Гугл и Фејсбук само на вакцинираните вработени ќе им дозволат да се вратат во канцеларија

unsplash
unsplash

Интернет гигантите Гугл и Фејсбук најавија дека ќе бараат сите вработени кои работат во нивните канцеларии да бидат вакцинирани против ковид-19.

Што се однесува на Гугл, обврската ќе стапи во сила следните недели во САД, а потоа ќе опфати и други региони во светот, рече извршниот директор Сундар Пичаи. Тој појасни дека правилото нема да важи во земјите каде што тешко се добиваат вакцини. Исклучоци се предвидени и за луѓе кои не можат да се вакцинираат од медицински причини.

Слично на тоа, Фејсбук ќе бара „секој што ќе дојде во еден од нашите кампуси во САД да биде вакциниран“, изјави Лори Голер, потпретседател на компанијата. Во јуни, социјалната мрежа објави дека вработените кои сакаат да работат со полно работно време од дома можат да аплицираат доколку работата им го дозволува тоа.

Фејсбук планира да ги отвори своите канцеларии со 50 проценти капацитет во септември. Гугл вчера објави дека датумот за официјално враќање во канцелариите е 18 октомври, иако првично се најавуваше 1 септември. Оттогаш, околу 80 проценти од вработените треба да работат физички во канцеларијата на компанијата најмалку три дена во неделата. Околу 20 проценти од вработените ќе продолжат да работат од своите домови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот