Гуаидо ги предводеше своите приврзаници во протестен марш во Каракас

Маршот го попречија безбедносните сили и приврзаниците на претседателот Николас Мадуро.

Лидерот на венецуелската опозиција Хуан Гуаидо ги предводеше своите приврзаници во протестен марш во Каракас, со цел да да го заземат објектот на националното собрание каде контролата ја имаат провладини пратеници.

Маршот го попречија безбедносните сили и приврзаниците на претседателот Николас Мадуро. Гуаидо со илјадници приврзаници мина низ населбите во Каракас кои се наклонети на опозицијата, но полицијата го запре нивното движење.  Демонстрантите, кои бараат избори заради смена на Мадуро, беа запрени откако полицијата испука солзавец кон нив, и тоа откако Гуаидо се обиде да преговара со полицајците.

– Оваа единица денеска не ја претставува Венецуела, таа ја претставува диктатурата, рече Гуаидо, покажувајќи кон првата линија на интервентната полиција која со штитови го блокираше патот на демонстрантите.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот