Груевски: Власта продолжува со политичкиот прогон и хајките против мене
Поранешниот премиер Никола Груевски чиј кум, Ристо Новачевски беше уапсен за „Плацевите на Водно“, истрага во којашто осомничен е и самиот тој, со статус на својот Фејсбук профил пишува дека и новата истрага е политички прогон против него и други луѓе за да се изнудат изјави против него.
-Денешната истрага има иста цел како и сите претходни и е без никаква основа затоа што тврдењата се лага очигледно смислена и конструирана со цел за моја дискредитација, понатамошен прогон, дефокус на јавноста од нивното катастрофално работење, тргувањето со националниот интерес, бројните и секојдневни проневери, криминал и рекет кој го прави власта. Се што стои во објавата со која отвориле истрага е лага и неточно и еден ден се ќе им падне. Ќе останат само траумите кои ги направиле кон сите кои ги прогонуваат и сеќавањето за времето кога Македонија е држава со најголем број политички прогонувани лица во Европа, напиша Груевски.
Власта продолжува со политичкиот прогон и хајките против мене и против други луѓе кои ги прогонуваат за да изнудат било…
Publiée par Nikola Gruevski sur Lundi 19 octobre 2020
Обвинителството за гонење на организиран криминал и корупција соопшти дека отворена е истрага за „Плацевите на Водно“, а првоосомничен во случајот е Груевски, за кого истрагата покажала дека тој со пари на партијата си купил плацеви во вредност од над 1,3 милиони евра.
Кривичен суд го прифати барањето на Рускоска: Замрзнат имотот на кумот на Груевски, Ристо Новачевски
Разоткриена шемата за перење пари во ВМРО-ДПМНЕ, покрај Груевски осомничени уште 5 лица