Ексвицепремиерот Артан Груби реагираше на инцидентот со кој се соочи косовската претседателка Вјоса Османи на скопскиот аеродром и побара прошка од Косово.

Груби на Фејсбук напиша „Косово, прости ни“.

-Од господар до станар, од одлучувач до вазал, од горд до домашен миленик, од достоинствен до безрбетен, од белолик до груб, од учен до неук, од храбар до кукавица, од владетел до слуга, од победник до победен, од Европа и од Америка во Русија и Србија, од Али Ахмети до Иван Стоилковиќ –  напиша тој во објавата.

Министерството за внатрешни работи на Македонија соопшти дека инцидентот на скопскиот аеродром, во чиј центар била претседателката на Косово, Вјоса Османи, се случил затоа што сакала да помине без да и бидат проверени телефонот и багажот.

Со реакција се огласи и поранешниот министер за надворешни работи Бујар Османи.

-Најостро го осудувам неприфатливото и скандалозно дејство кое денеска на скопскиот аеродром се случи против Косово. Овој инцидент јасно ја покажува неспособноста и неодговорноста на нелегалните албански претставници. Одговорност веднаш треба да преземат узурпаторите на албанските претставници во Владата и да одговараат за оваа срамна ситуација – напиша Османи на Фејсбук.

Член на обезбедувањето на Гаши вперил пиштол кон службеник на скопскиот аеродром