Иницијатива за контрола на секој пратеник или функционер кој што врши јавна дејност, како што се судии и обвинители, во врска со користење наркотици, но и учество во криминал и корупција најави пратеникот на ДУИ Артан Груби.

– Ние оваа иницијатива ја почнуваме од нашите редови во ДУИ и сакаме да ја предложиме на Собранието, а очекуваме и поддршка од граѓанскиот сектор и медиумите. Секој кој врши јавна функција треба да подлежи на овој тест и ние очекуваме поддршка од сите кои се искрени – рече Груби.

Тој не сакаше да одговори дали Павле Богоевски треба да ја напушти функцијата пратеник, но повтори дека за ДУИ е неприфатлива терминологијата „метла“ затоа што не била достоинствена за луѓе.