Груби: ДУИ ќе биде партијата која ќе одлучи кој ќе формира Влада
ВМРО-ДПМНЕ и СДСМ ќе освојат приближен број гласови, а за тоа кој ќе формира влада одлучувачки ќе бидат оние на ДУИ, рече Артан Груби вечерва во дебатниот магазин „Клик Плус“ на ТВ21.
Груби претходно рече дека, гледајќи ја несериозноста на двата кандидати, очекуваат голем број на граѓани да гласаат за нивниот предлог, односно за првиот премиер Албанец.
Потеницра дека и во овој изборен циклус, ДУИ ќе биде партијата која ќе одлучи кој ќе формира Влада.
ДУИ и СДСМ изминатите три години се заедно во коалиција и формираа Влада, откако на изборите победи ВМРО-ДПМНЕ, но не успеа да формира Влада.
На изборите во 2016 година, ВМРО-ДПМНЕ со Никола Груевски освоија 61 пратеничко место, СДСМ со Зоран Заев 49 места и ДУИ со Али Ахмети 19 места, Беса со Касами 5 места, АА со Зијадин Села 3, ДПА со Тачи 2 места.