Груби – Бенгтсон: Северна Македонија има силна поддршка од Шведска

Шведска е вистински поддржувач на Република Северна Македонија и пријателството воспоставено со текот на годините меѓу двете земји ќе продолжи да се продлабочува, истакнала шведската амбасадорка Кристин Форсгрен Бенгтсон на денешната средба со првиот вицепремиер и министер за политички систем и односи помеѓу заедниците, Артан Груби.

Амбасадорката Бенгтсон истакнала дека Шведска ќе продолжи да биде силен партнер за кохезијата на земјата и силен поддржувач на Северна Македонија на нејзиниот пат кон интеграцијата кон Европската Унија.

На средбата Груби пред шведската амбасадорка посочил дека тој, како прв вицепремиер и министер за политички систем и односи меѓу заедниците, ќе се ангажира со сите капацитети со цел да се одржи кохезијата во Владата.

– За време на средбата со шведската амбасадорка, Груби ја спомна важноста на Охридскиот договор, оценувајќи го како единствен договор кој што е во функција на сите заедници кои што живеат во Северна Македонија и пример за надминување на проблемите и во други земји во регионот но и пошироко, се наведува во соопштението од Кабинетот на вицепремиерот.

Груби исто така додал дека тој и неговиот тим ќе го направат невозможното за институциите во Република Северна Македонија да ја извршуваат својата работа без политичка инфлуенција и во овој случај да се овозможи законот да преовладува на најдемократски можен начин, да се засили борбата против корупцијата, не заборавајќи го и економскиот развој.

Посочил дека владеењето на правото и неселективната правда се предуслови за институционален кредибилитет и економски развој.

Бенгтсон и Груби за време на денешната средба, разговарале и за други прашања во земјата, како и за други случувања со кои се соочува регионот.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот