Вицепремиерката задолжена за политики за добро владеење, Славица Грковска, денеска имаше средба со Габриел Ескобар, заменик-помошник државен секретар на САД и специјален претставник за Западен Балкан.

Вицепремиерката Грковска го информирала Ескобар за активностите кои се отпочнати од страна на Кабинетот за добро владеење и сето она што претстои во насока на борбата против корупцијата, доброто владеење и дигитализацијата.

Таа нагласила дека стратешкото партнерство со САД за Северна Македонија е од суштинско значење и изрази благодарност за поддршката што САД ни ја дава, особено во делот на справувањето со корупцијата, како еден од најзначајните приоритети во градењето на демократски и економски силно општество, напиша Грковска на Фејсбук.

Ескобар рекол дека, покрај чекорите кои Владата ги презема за да се остварат стратешките цели на државата, како членка на НАТО е и безрезервно вклучена и во поддршка на Украина од секој аспект, како со донации, така и со згрижување на бегалците кои се жртви на руската агресија.