Вицепремиерка за политики за добро владеење Славица Грковска, од Вашингтон каде што е на Молитвениот појадок, во интервју за Гласот на Америка се осврнува на проблемот со корупцијата Македонија. Притоа, како најслабата карика во системот, министерката го посочи правосудството.

– Се согласувам дека уште повеќе треба да се направи од она што е направено и граѓаните сакаат да видат видливи резултати, да има ефект и краен резултат од борбата против корупцијата и организираниот криминал. Најголемата слабост е во правосудниот систем. Ако нема завршница во еден случај, пораката, која се праќа во општеството е погрешна. Судиите и обвинителите исто така треба да одговараат за злоупотреба на службената должност, исто како и останатите функционери кои подлежат на истите закони – изјави министерката Грковска.